BREAKING NEWS:   ' Festa do amor 2015, de 26 de Julho a 4 de Outubro. Nu vive ku amor!    

quarta-feira, 14 de março de 2012

Publicado por SAFENDEONLINE | 22:13

Young cj feat G- Star   
Musica anti de ser musica é um poesia. Pa nhos segue...


Para nu pensa
(yah  keli e Newbang io, acumpanhadu pa G- Star… haa New Bang studio… bu tem ki para pa bu pensa)
Coru –G- Star
Bu tem ki para pa bu pensa
Si bu sa agi ku konsensia
Bu tam ki para pa bu djobi
Si bu sa luta pa bu tera
Para  bu pensa, pensa.

Rap youngcj
I
Labanta sedu palmanhan inspirason, panada katem
Abri t.v omesmo mintira sa bem
Tenta sai na rua rispira um ar, ki melancolia
Tudu algem ki pasa, sa qexa di vida
Piskador, pexera xintadu riba pedra bika
Koitadu ta konforta ku aros seku ku um padas di kabalinha
Enquantu ministru ku prizidenti na baka ku kaipirinha
Rapas di zona, sa tudu kalsinadu
Ta finda liseu ka tem bolsa di stadu
Pa kes ki dja forma anhagenti ka tem trabadju
Mudjer sa abri perna so pa omi ki tem karu
Iluson na kabesa gravides ka sta baratu
Minis sa inguli pílula moda tchupa dropis
Katorzinha sa pari ta pega ta pui na lixu
Rapas ta fuma pedra tika ta brinka ku eroina
Pelipeli e mas sabi pake usa kamisinha
HIV na sangi koitatu kel minininha…

II

(Nu tem ki para panu pensa midjor kusa ki nu sa ta fazi)
Nu sa vivi na um pais guvernadu pa mo fitchadu
Undi ki droga e bazi di disenvolvimentu
Tcheu apadrinhagem na um vaga di trabadju
Nos ki e koitadu projetu ka ta financiadu
Ajuda sa ta dadu so pa flanu ku sikilanu
Ospital sem condisom, bu tam ki ta spera sakedu
Pulisia, ta entra dentu zona sem ninhun ruspetu
Ka na palmareju ma na nos getu
Rapaz ta roba droga, mai ta pidi disimola
Ta vutuperia vida pa podi kria se oitu fidju
Si bu kre odja infernu entra dentu di nos getu
Pa kada garafa ki sa dispixa e um mai ki odju sa intchadu
Família dizorkanizadu
Fidju ka sta ninhum onestu
Ali prostituisom e mesmo dentu di um beku
Nu tem ki para pensa, i da vida mas ruspetu

III
Djam sa fartu di diskursu dikoradu
tcheu dimagojia teni povu dizusperadu
agu na tornera sa bem so amarelu
situasom di eletra tinda sa negru (cada ves mas pior)
nu tem ki muda es situasom si na verdade Kabo Verde tem solusom
nu kre profisional ku mas kapasidadi
mas prizidenti ku ministru ku onestidadi
nu imprega reputasom i nu djobe mas pa populasom
nu mesti mas justisa i igualdadi
direitu pa tudu algem i pensa komu um komunidadi
kabral ka mori em vom ntom nu luta liberdadi
polisia podi batukam mas min sa fala verdadi
liberdadi di espresom sa funsiona so na papel
e poeta di rua ki sa dizimpenha se papel
ka nu fika paradu ntom nu marxa kontra el
si nu kre um Kabu Verdi midjor ntom luta pa el…

Bu tem ki para pa bu pensa
Si bu sa agi ku konsensia
Bu tam ki para pa bu djobi
Si bu sa luta pa bu tera
Para  bu pensa, pensa.