Miniz nu pui kabesa na lugar nu pensa nu odja o kuanto
vida e importante principalmenti pa noz ke futuro di noz paiz. Vida é sabi sim
maz alvez nu ta fazi kusa ki nu ta kaba ku sabura nem nu ka ta xinti erro ki nu
da.
Kuze ki nu sa spera pa nu da vida se importancia ke
mereci? Nu djunta mo, mas pa djunta mo ka tem ki ser um o doz alguen nau, nu
tem ki ser um grupo, kada um ta fazi um papel asi vida ta resebi se importancia
ke mereci,
Sima noz ke jovem ka nu fazi kusaz ki ta ponu anda ku
rostu na txon,mas sim nu fazi um
kuza exemplar na vida ki undi nu bai noz e
benvindo.
Nu sa imagina si noz e um jovem ki ka trabadja nu ta dexa
ora ki noti pa nu toma kuza di kenha ki ta buzka pom di se fidjo pa nu toma?
Nau miniz keli sta mariadu asi nunka vida ka dadu se
importancia. É pa nu djunta,pa nu luta ma ku tudu doz mo,nu striba kanela,nu
fla nao a violência. Asin é possível ki nu odja vida ta dadu se importancia.
Xinta nu kruza pe,o nu marra mo,nunka nu ka venci. Pa nu
venci nu tem ki luta, ntom kuze nu sa spera nu pui pe um pa frenti um pa traz
nu djobi importancia di vida.
Sima n fla nhos,
ka pa nu xinta nu spera nau, procura informa, busca conhecimento, nu
pidi nu ta dadu si ka konformanu nu buzka oto ti konformanu.
Nu djunta tudu no pensa kuanto vida e importanti
principalmente pa noz inda ka konshel dretu,forsa pa noz tudu minis, nu pensa
ku impenho.
Jessica Almeida
