Storia di nos Continenti tchomado Africa e
mas grande ki nu ta pensa. Pur exemplo, nomi original di nos amado
continenti e ca Afrika, mas sim Alkebulan, Bilal-Al Sudan. Na Biblia
sagrada mas um bes, nomi di Alkebulan sta representadu varias vezes baxu di
nomi Axum, Cush, Abisinia, Mizrahim, etc, Axum e Cush e nomi original di
nos amado terra Etiophia. Mizrahim e nomi di nos amado Egipto.
Dja nhos sabia ki nomi Etiopia e Egipto e ka nomi original di nos
terra??? Kantu ki Europeus tchiga na Alkebulan pa prumeru bes es contra
ku povu di pele cor negro es fika tantu spantadu ku prumeru kontactu es da nomi
na Etiopia ki signifika Rostu Kemadu. Egiptu significa terra di
Negros.
Europeus mas diretamenti Gregus e Romanus
prenti tudu ses kultura na continenti alkebulan. Gregus studa filosofia
na Egipto sima tambe Romanos. Motologia Grega, e um copia o roubu di
sistema spiritual ki tinha na Egiptu.
Filosofia Grega e tambe um falsu
ciencia, sabendu ki tudu filosofos Gregus studa na Universidadis di Egiptu e ki
Alexandre o Grande kantu e ataka Egiptu e es toma controle di Biblioteka na
Egiptu es rouba tudu livros sobri ciencia, filosofia, enginharia, arkitetura,
midicina, etc e es lebal pa Grecia. Kes livrus e ducumentus staba
guardadu na Egiptu pa milhares di anus.
Pur exemplu, Im hotep foi prumeru Genio ki
mumdu conxi. Imhotep di Egipto foi Medico, Arkitetu, filosofo, Enginheiro
ki construi kes prumeru piramidi. E foi Medico ki fazi transplanti di
orgaos e cria instrumentus di cirurgia. E dexa livru di midicina di
milharis di pagina, e e naci 2000 antis Di Hipocratis ke conxedu comu pai di
midicina Europeia.
Pamodi ki mundu ta continua ta sukundinu
tudu kes verdadi sobri Afrika Alkebulan??? Di la es ta fla ma Grecia e
origem di civilizacao Europeia. Klaru ki dispos di ter studadu na Egiptu
e roubadu di nos livraria es tinha tudu instrumentu pa cumeca civilizacao
europeia. Verdadi sobri Afrika sta ser sukundidu simplismenti pa nos povu
ka da conta di nos e kenha. Si nu ka konxi di undi ki nu ben, jamas nu ka
ta sabi pa undi nos distinu sta lebanu.
Um povu sem kunhicimentu di se storia e
sima um planta sem raiz. Nunka e ka ta disenvolvi forti e em harmonia.
George André
