Di nha pontu di vista, tudu kes palavra ki ta ezisti na purtuges i ki ka ta ezisti na kabuverdianu, es ka ta ezisti pabia Kabuverdianus ka komesa uza-s inda pois kes otu palavra kabuverdianu, kuazi tudu bira kabuverdianu pabia Kabuverdianus bira ta uza-s atraves di jerasons. Kuazi tudu palavras di nos lingua, un dia es komesa uzadu a partir di purtuges. I es komesa uzadu pabia Kabuverdianus xinti nesesidadi di spresa mensajens ki ta eziji uzu di kes palavra.
Asin sendu, si bu xinti nesesidadi di uza kualker palavra purtuges, ka bu koibi bu propi kabesa. Tantu mas ki Purtugezis faze mesmu kuza ku relason a maioria smagador di palavras ki oji es ta konsidera palavras di ses lingua, istu e, es uza palavras di linguas di kontaktu, di linguas ki es konxeba sima latin, spanhol, franses i otus.
Asin, bu pode fla:
"Kre na karidadi ta susita karidadi".
Entritantu, bu pode fla tanbe mas tera-tera:
"Kre na karidadi ta kria karidadi"
Marciano Moreira
